Баткен/23.01.26
КР Энергетика министрлигинин электр тармагын жаңылоо жана модернизациялоо боюнча иш-пландарынын алкагында Кадамжай районунун Айдаркен шаарында электр тармактарын жаңылоо иштери жүргүзүлдү. Бул тууралуу Баткен электр тармактар ишканасы билдирди.
Маалым болгондой “Кыргызстан УЭТ” ААКнын филиалы — Баткен электр тармактар ишканасы тарабынан жалпы 17 км аба чубалгылары СИП кабелдерге алмаштырылып, 155 даана темир-бетон мамы орнотулду. Ошондой эле 1 даана 630 кВА жана 2 даана 400 кВА кубаттуулуктагы жаңы трансформаторлор, 4 800 даана акылдуу эсептегичтер орнотулду.
Аталган иштердин натыйжасында Айдаркен шаарында электр энергиясын берүү туруктуу болуп, авариялык өчүрүүлөрдүн саны азайды. Абоненттер сапаттуу жана ишенимдүү электр энергиясы менен камсыздалууда.
