Ошто Жаштардын креативдүү хабы ачылды
9
Бүгүн Ош шаарында Жаштардын креативдүү хабы расмий ачылып, пайдаланууга берилди.
Муниципалитеттин маалыматына ылайык, долбоор 2020-жылы Youth of Osh коомдук уюму тарабынан башталган.
Креативдүү хаб көп функциялуу мейкиндик болуп, иштөө, билим алуу, коомдук иш-чараларды өткөрүү, соода жүргүзүү жана эс алуу үчүн шарттарды камтыйт.
Долбоордун негизги максаты – жаштарга өз шаарында өнүгүүгө мүмкүнчүлүк түзүп, алардын чыгармачылык жана ишкердик демилгелерин колдоо. Ошондой эле жаштардын борборго же чет өлкөгө кетүүсүн азайтуу көздөлөт.
