Сүлүктү райондук электр тармагы 2025–2026-жылдардагы күз-кыш мезгилин туруктуу өткөрүү максатында белгиленген 9 айлык даярдык планын жүз пайызга аткарды.
Кыргыз Республикасынын Энергетика министрлигинин тапшырмасынын негизинде Сүлүктү райондук электр тармагы (РЭТ) күз-кыш мезгилине даярдык иштерин толук бүтүрдү. Максат — калкты сапаттуу жана үзгүлтүксүз электр энергиясы менен камсыз кылуу.
Сүлүктү РЭТ тарабынан 13 даана 10/0,4 кВ күчтүк трансформатор жана 15 чакырым 10/0,4 кВ аба чубалгы капиталдык оңдоодон өткөрүлдү. Ошондой эле 67 көмөк чордонго жана 79 чакырым аба чубалгысына техникалык тейлөө иштери жүргүзүлдү.
Капиталдык курулуш алкагында 4 чакырым аба чубалгы жаңыланып, 6,2 чакырым СИП-2 типтеги аба чубалгысы тартылды. Мындан тышкары, 237 даана темир-бетон мамычасы орнотулду.
Самат айылындагы 250 кВА кубаттуулуктагы көмөк чордон 400 кВАга алмаштырылып, Булак-Башы жана Чимген айылдарына жаңы 250 кВА көмөк чордондор орнотулду.
Бул иштер күз-кыш мезгилинде авариялык кырдаалдардын алдын алууга жана энергетикалык коопсуздукту чыңдоого багытталган.
Энергия боюнча суроолоруңуз болсо, күнү-түнү иштеген төмөнкү байланыш номерлерине кайрылыңыздар:
Колл-борбор: 105; 1209
Баткен РЭТ: 0221 33-36-02 Сүлүктү РЭТ: 0772 46-04-01 Лейлек РЭТ: 0221 55-54-78 Кадамжай РЭТ: 0221 55-54-68 Кызыл-Кыя РЭТ: 0773 94-07-07
