Түндүк–Түштүк альтернативдик унаа жолу тазаланып, каттам ачылды
18
Күн мурун жааган нөшөрлүү жаандын кесепетинен Түндүк–Түштүк альтернативдик унаа жолунун 361–370-чакырым аралыгында сел жүргөн.
Транспорт министрлиги билдиргендей, окуя болгон жерге атайын техникалар тартылып, жолду тазалоо иштери жүргүзүлдү.
Аткарылган иштердин жыйынтыгында жол бүгүн, 22-июнда таңкы саат 05:00дө толугу менен тазаланып, эки тараптуу кыймыл үчүн ачылды.
Учурда аталган тилкеде жолду кеңейтүү жана коопсуздукту камсыздоо боюнча кошумча иштер улантылып жатат.
