Кочкор-Атада дааратканадан жаңы төрөлгөн ымыркай табылды
20
Жалал-Абад облусунун Кочкор-Ата шаарында бүгүн, 2-сентябрда көп кабаттуу үйдүн жанындагы коомдук дааратканадан жаңы төрөлгөн ымыркай табылды. Бул тууралуу облустук ИИБ билдирди.
Маалыматка ылайык, ымыркай куткарылып, ооруканага жеткирилген, учурда ал дарыгерлердин көзөмөлүнө алынды.
Ыкчам издөө иш-чараларынын жүрүшүндө милиция кызматкерлери баланы таштап кеткен энесин аныкташкан. Ал 35 жаштагы аял болуп чыкты.
Учурда окуянын бардык жагдайлары аныкталууда.
