Мээ кайнаткан ысыктан улам Бишкектин көчөлөрүнө суу чачылып жатат
22
Бишкек шаарында абанын температурасынын жогорулашына байланыштуу көчөлөргө суу чачуу иштери күчөтүлдү. Бул тууралуу шаардык мэрия билдирди.
Маалыматка ылайык, «Тазалык» муниципалдык ишканасы атайын техникалардын жардамы менен шаар көчөлөрүн нымдап, абаны муздатуу иштерин жүргүзүүдө. Учурда бул иштерге 25 атайын техника тартылып, негизги көчөлөргө муздак суу чачылып жатат.
Адистердин айтымында, жол бетине суу чачуу асфальттын температурасын төмөндөтүп, абадагы чаңдын көлөмүн азайтат. Мындан тышкары, бул иш-чара аптаптуу күндөрү шаардагы абанын сапатын жакшыртып, жөө жүргүнчүлөр жана айдоочулар үчүн ыңгайлуу шарт түзүүгө багытталган.
