Ак карга оронгон Бишкек: Шаар көчөлөрүн 80дей техника тазалоодо
2
«Тазалык» муниципалдык ишканасы шаар аймагында кар тазалоо жана жолдорго туз себүү иштерин улантууда. Иштер 10-мартка караган түнү башталган.
Жолдорду тазалоого 32 МАЗ жана 10 Shacman кум-туз чачуучу унаасы, 32 «Беларусь» трактору, 5 универсалдуу коммуналдык машина, ошондой эле фронталдык жүктөгүч жана экскаватор тартылган. Мындан тышкары 20 жол жумушчусу жана 1000ден ашуун санитардык кызматкер иш алып барууда.
Жолдордо муз пайда болбошу үчүн 581 тонна техникалык туз колдонулду. Кар тазалоо жана туз себүү иштери улантылууда.
