Канадада мектептеги ок атышууда 9 адам каза болду
1
Канададагы Тамблер-Ридж шаарындагы орто мектепте болгон атышуунун кесепетинен 9 адам каза болду. Бул тууралуу CBC News телеканалына таянып, Известия жазып чыкты.
Полиция окуя болгон жерден 8 адамдын сөөгүн тапкан. Дагы 1 жабырлануучу ооруканага жеткирүү учурунда көз жумган. Ал эми атышууну уюштурган шектүү өзүнө-өзү зыян келтирип каза болгону айтылууда.
Ошондой эле 2 адам оор абалда ооруканага жеткирилсе, дагы 25 киши жергиликтүү медициналык мекемеде текшерүүдөн өтүүдө. Мектептен болжол менен 100 адам коопсуз жерге эвакуацияланган.
