Тарыхый жеңиш! “Барс”-Кыргызстандын суперкубогунун ээси болду
2
Министрлер кабинетинин төрагасы – Кыргыз футбол биримдигинин президенти Адылбек Касымалиевдин катышуусунда “Алга” спорт комплексинде Кыргызстандын футбол боюнча Суперкубогу үчүн беттеш болуп өттү.
Караколдук «Барс» клубу тарыхында биринчи жолу Кыргызстандын Суперкубогун жеңип алды. Суперкубок үчүн болгон беттеште «Барс» Бишкектин «Дордой» клубуна каршы ойноп, жыйынтыгында башкы трофейге ээ болду.
Ысык-көлдүктөр 2:0 эсебинде жеңишке жетишти. Кыргызстандын Суперкубогу — 2026 үчүн болгон күрөштө жеңиш голдорун Бекжан Сагынбаев киргизди.
