Кыргызстандын таэквондочулары Астанадагы эл аралык мелдештерде 10 медаль жеңди
7
Кыргызстандын таэквондо WT боюнча улуттук курама командасы Казакстандын Астана шаарында өткөн эки эл аралык турнирде жалпы 10 медаль утту. Бул тууралуу Дене тарбия жана спорт мамлекеттик агенттиги билдирди.
Маалыматка ылайык, «Altaic Cup» жана «Kazakhstan Open 2026 G-1» рейтингдик мелдештери XX Азия оюндарына даярдыктын алкагында уюштурулган.
«Altaic Cup» турниринде кыргызстандык спортчулар 1 күмүш жана 4 коло медаль жеңишсе, «Kazakhstan Open 2026 G-1» мелдешинде дагы 1 күмүш жана 4 коло медаль тагынышты.
Жыйынтыгында улуттук курама команданын спортчулары эки ири эл аралык мелдештен жалпысынан 10 медаль менен кайтышты.
