Бишкекте 11 миңден ашык бүтүрүүчү мектеп менен коштошту
16
Бүгүн, 29-майда Бишкек шаарынын бардык 120 муниципалдык жалпы билим берүү уюмдарында «Акыркы коңгуроо» майрамына арналган салтанаттуу линейкалар өткөрүлдү.
2025–2026-окуу жылында борбор калаанын мектептеринде 259 миңден ашуун окуучу окуу жылын жыйынтыктоодо. Алардын ичинен 22 061 окуучу 9-классты аяктаса, 11 869 окуучу 11-класстын бүтүрүүчүлөрү болушту.
Майрамдык иш-чаралардын алкагында мектептерде концерттик программалар, окуучулардын чыгармачылык номерлери жана бүтүрүүчүлөрдү сыйлоо аземдери уюштурулду.
