Эми жер казуу үчүн уруксат кагазды онлайн форматта ала аласыз

Бишкек шаарында муниципалдык жерлерде жана жол тилкелеринде жер казуу иштерин жүргүзгөн уюмдар үчүн Санариптик технологиялар борбору тарабынан жаңы санариптик кызмат ишке киргизилди. Бул тууралуу мэрия билдирет.

Маалым болгондой, 2026-жылдын 12-майында Санариптик технологиялар борборунун кызматкерлери Транспорт департаментинде жыйын өткөрүшүп, жер иштерине уруксаттарды эми кеңсеге барбай эле, Бишкек шаарынын мэриясынан алуу мүмкүнчүлүгүн түзүшкөн.

Бишкек шаарынын мэриясынын Транспорт жана жол-транспорттук инфратүзүмдү өнүктүрүү департаментинен онлайн режиминде алууга болот.

Арыздарды e-meria.kg системасы аркылуу тапшырып, тиешелүү уруксат берүүчү документтерди алууга болот.

Жаңы чечим курулуш, телекоммуникация, инженердик жана коммуналдык уюмдар үчүн процесстерди жөнөкөйлөтүүгө, убакытты үнөмдөөгө жана кызмат көрсөтүүнүн ачык-айкындуулугун жогорулатууга багытталган.