Жыл башынан бери жалпы 46 300 метр эски синтетикалык тор чыгарылды
14
Кыргызстандын көлдөрү менен суу сактагычтарында экологиялык рейддер уланууда. 1–10-май аралыгында өлкө боюнча 125 рейд өткөрүлүп, 137 мыйзам бузуу аныкталды. Бул тууралуу Экологиялык жана техникалык көзөмөл кызматынан билдиришти.
Ысык-Көл, Соң-Көл, Токтогул, Орто-Токой жана Киров суу сактагычтарынан 9 миң метрге жакын мыйзамсыз тор жана 300 кг таштанды чыгарылды.
Жыл башынан бери суу түбүнөн 46 миң метрден ашык синтетикалык тор жана 1 тоннадан ашык таштанды тазаланып, мыйзамсыз балык уулоого каршы 416 миң сомдон ашык айып пул салынды.
Иш-чаралар президенттин мыйзамсыз балык уулоого жана синтетикалык торлорго тыюу салган жарлыктарын аткаруу алкагында жүргүзүлүүдө.
