Бишкекте аутизм маселелерине арналган Эл аралык практикалык конференция өтөт

21-февралда Бишкекте «XXI кылымдагы ABA: жашоо көндүмдөрү, индивидуалдуулук, баалуулуктар» аттуу эл аралык практикалык конференция өтөт.

Маалым болгондой, иш-чарада аутизм спектринин бузулууларын, коррекция ыкмаларын, үй-бүлөлөрдү колдоону жана инклюзивдүү коомду өнүктүрүү маселелери талкууланат.

Конференция адистер менен ата-энелер үчүн тажрыйба алмашуу аянтчасы болуп, өзгөчө балдар менен иштеген адистердин кызматташуусуна багытталат. Иш-чарага эл аралык эксперттер, анын ичинде белгилүү клиникалык психолог Дарья Ли-Романова катышат. Аталган иш-чарага Россиядан келген эксперттер да чакырылган.

Конференция коомчулуктун аутизм темасына көңүл буруусун күчөтүп, ар бир адамга түшүнүү, колдоо жана мүмкүнчүлүк түзүүгө багытталган.

Белгилей кетсек, иш-чарада актуалдуу чакырыктар талкууланат.