Мэрия Бишкекте 120 көчө оңдолуп жатаканын билдирди

Борбор калаада 99 автоунаа жолдору жана 21 тротуар оңдоп-түзөөдөн өтүп жатат. Бул тууралуу Бишкек шаарынын мэриясы билдирет.

Муниципалитеттин маалыматында анын ичинен 43 автоунаа жолу, 13 тротуар боюнча иштеп аяктады.

• Бишкектин Ленин районунда 20 көчөдө иштер башталып, беш объект толук бүткөрүлдү.
• Октябрь районунда 15 көчөдө оңдоо иштери жүрүп, жети объект пайдаланууга берилди.
• Биринчи май районунда 20 көчөнүн 13дө иштер аяктады.
• Свердлов районунда 22 көчөдө оңдоо иштери башталып, 16 объектте иштер толугу менен бүткөрүлдү.

Аталган иштер жол кыймылынын коопсуздугун жогорулатууга, борбор калаанын тургундары менен коноктору үчүн ыңгайлуу шарттарды түзүүгө багытталган.