Жол кире төлөбөгөндөргө 1 миң сом айып пул салынат
0
Бишкекте коомдук транспортто жол киресин төлөбөгөн жүргүнчүлөргө 1 миң сом айып пул каралган. Бул максатта 1-июлдан тарта автобус жана троллейбустарда рейддик текшерүүлөр жүргүзүлүүдө.
Рейд учурунда көзөмөлчүлөр жүргүнчүлөрдүн жол кирени төлөгөнүн, ошондой эле төлөмдү ырастаган электрондук же кагаз чеги бар-жогун текшеришет.
Бишкек шаардык транспорт ишканасы жүргүнчүлөрдү коомдук транспортту пайдалануу эрежелерин сактап, жол кирени өз убагында төлөп, төлөмдү ырастаган чекти сактап жүрүүгө чакырды.
