Акжол Махмудов баштаган кыргызстандык балбандар Венгриядагы рейтингдик турнирге катышат
32
Кыргызстандын грек-рим күрөшү боюнча улуттук курама командасы Венгриянын борбору Будапешт шаарында өтө турган эл аралык рейтингдик турнирге катышат.
Дене тарбия жана спорт департаментинин маалыматына ылайык, мелдеш 16-20-июль күндөрү өтөт.
Өлкө намысын башкы машыктыруучу Улук Карачолоков жана улук машыктыруучу Арсен Эралиевдин жетекчилиги алдында төмөнкү 10 балбан коргойт:
- Жоламан Шаршенбеков (60 кг);
- Автандил Таалайбек уулу (63 кг);
- Раззак Бейшекеев (72 кг);
- Алибек Бердиев (77 кг);
- Акжол Махмудов (82 кг);
- Ырыскелди Максатбек уулу (82 кг);
- Асан Жанышев (87 кг);
- Үзүр Жусупбеков (97 кг);
- Нурболот Токтогонов (130 кг);
- Эрлан Манатбеков (130 кг).
Бул рейтингдик турнирде спортчулар эл аралык рейтингдеги упайларын көбөйтүп, дүйнөлүк мелдештердеги позициясын жакшыртуу мүмкүнчүлүгүнө ээ болушат.
