Оперативдик жана кызматтык чаптамаларды унаасына чаптап алган айдоочу кармалды
11
Оперативдик жана кызматтык чаптамаларды унаасына чаптап алган айдоочу кармалды. Бул тууралуу Бишкек шаарынын МККБнын басма-сөз кызматы билдирет.
Маалым болгондой, Instagram социалдык тармагында транспорт каражатына мыйзамсыз жарнамалык түстүү-графикалык чаптамалар чапталгандыгы тууралуу фотоматериал жарыяланган.
Бишкек шаарынын МККБнын кызматкерлери бул маалыматка ыкчам чара көрүштү. Жүргүзүлгөн иш-чаралардын жыйынтыгында транспорт каражаты аныкталып, колдонуудагы мыйзамдарга ылайык айып короого токтотулду.
Айдоочуга карата тиешелүү укук бузуулар боюнча протокол түзүлдү.
